Hewlêr (Rûdaw) - Grûpên çekdar ên ser bi Îranê ve li bajarê Reqa yê Sûriyê 2 ciwan kuştin.
Li gor çalakvanên xwecihî , li bajarokê Madan li başûrê rojhilatê Reqayê grûpên ser bi Îranê ve 2 ciwan girtin û piştre ew kuştin.
Herwiha li gor heman çavkaniyê di 21ê Sibata derbasbûyî de, grûpên ser bi Îranê ve 7 sivîl ji heman navçeyê revandin û piştre ew gulebaran kirin.
Çavkaniyên xwecihî dan zanîn, ku piştî şopandinê, termên wan sivîlên kuştî li çola Madanê hatin dîtin.
Di çend hefteyên derbasbûyî de, li çola Reqa û Dêre Zorê, grûpên ser bi îranê ve hejmarek şivan û sivîl desteser kirin, kuştin û pezên wan birin.
Di Cotmeha 2017an de şervanên Hêzên Sûriya Demokratîk (HSD) Reqa ji destê çekdarên DAIŞê derxistibûn.
Piştî vekişîna hêzên Ameîrkayê ji beşek navçeyên Rojava û Reqayê, hêzên Rûsî derbasî nav wî bajarî bûbûn. Herwiha liv û tevgera grûpên çekdar ên ser bi Îranê ve jî li sînorê wê parêzgehê zêde bûne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse