Hewlêr (Rûdaw) - Li bajarê Ezazê li nêzîkî xala kontrolê ya Şetê a çekdarên mixalefeta Sûriyeyê, bargilgereke bombebarkirî teqiya û li gorî agahiyan kuştî û birîndar hene.
Li bajarê Ezazê yê di bin kontrola çekdarên mixalefeta Sûriyeyê yên bi ser Tirkiyeyê, li pêşberî Kilîsê bombeya ku di bargilgerekê de hatibû bicîkirin hat teqandin.
Teqîn li nêzîkî xala kontrolê ya Şetê ya çekdarên bi navê “Polîsên Leşkerî” bûye.
Li gorî agahiyan, di êrişê de li gor tesbîtên ewil 9 kes hatin kuştin, 14 kes jî birîndar bûn.
Piştî êrişê li hawirdorê tedbîrên ewlehiyê hatin zêdekirin û birîndar rakirin Nexweşxaneya Ezazê.
Hêzên ewlehiyê yên herêmî li cihê bûyerê lêkolîn kirin û derbarê êrişê lêpirsîn da destpêkirin.
Hîn jî ti kesî berpirsyariya êrişê hilnedaye ser xwe.
Li bajarê Ezazê li nêzîkî xala kontrolê çekdarên mixalefeta Sûriyeyê, bargilgereke bombebarkirî teqiya
— RudawKurdi (@RudawKurdi) August 7, 2024
Li gorî agahiyan 9 kuştî û 14 birîndar hene
Agahiyên zêdetir: 👇https://t.co/gigZi7HEiR pic.twitter.com/1KvvyEkkMS
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse