Xaça Sor: Rewşa kampa Holê pir xirab e

Hewlêr (Rûdaw) - Komîteya Navdewletî ya Xaça Sor hişyariyê li ser xerabiya rewşa koçberên li bakurê rojhilatê Sûriyê dide û daxwaz dike, ku welatên xwediyên malbatên DAIŞê, jin û zarokên wan vegerînin welatên xwe.

Serpereştiyarê Piroseyên Komîteya Navdewletî ya Xaça Sor, Fabrî-Tisyo Karbonî dibêje, ku bi 100 Hezaran kes ji ber top û bombeyên şer koçberî devera bakurê rojhilatê Sûriyê bûne, û di kampên di bin kontrola hêzên Kurdî de bicih bûne, lê rewşa wan ji ber birçîbûn û nexweşiyan pir xerab e.

Karbonî hişyariyê li ser rewşa koçber û penaberên li bakurê rojhilatê Sûriyê dide û dibêje, ku rewşa koçber û benaberan li wê deverê pir xerab e, û divê welatên xwediyên jin û zarokên çekdarên DAIŞê, bi berpirsiyariya xwe rabin, û hemwelatiyên xwe vegerînin welatên xwe.

Herweha Karbonî dibêje, ku Komîteya Navdewletî ya Xaça Sor serpereştiya nexweşxaneya kampa Holê dike, û xwarin û avê ji koçberan re pêşkêş dike, lê nikare heta 25-30 salên din, alîkariya 100 hezar kes bike, û ew stûbariya welatan e.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger