Hewlêr (Rûdaw) - Fermandên leşkerê Îraqê radgihînin ku bi sedan serbazên din, ji hêzên cuda ji bo navçeya Tileferê rojhilatê bajarokê Eyaziye hatine şandin, li wî bajarokî şerê kolanan berdewam e û çekdarên DAIŞê di bin guvaşên tûnd de ne.
Yek ji Fermandeyê Artêşa Îraqê Muqedem Ednan Seîd ragihand ku divê beriya cejnê wate îro hemû Eyaziye bê kontrolkirin. Her wiha bal kişande ser wê yekê ku hêzên Îraqî berdewam berev pêş diçin û guvaşeke tûnd jî li ser çekdarên DAIŞê heye.
Wî Fermandê artêşa Îraqî her wiha got, hêzên wan wê hemû Eyaziyê kontrol bikin, eger pêwîst jî bike ewê wan xaniyan birûxînin yên ku çekdarên DAIŞê xwe tê de veşartine.
Duh fermandeyê Polîsên Federal yê Îraqê kontrolkirina bajarokê Eyaziye ragihand lê ji ber tengbûna kolanan, hêzên Îraqî bi tenê dikarin şerê kolan bi kolan bikin.
Çend çavkaniyên artêşa Îraqê ragihandine ku şerê Eyaziye ji gelek şerên din yên navçeyê zehmetir bû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse