Îraqê sînorê xwe yê bi Sûriyeyê re girt

Hewlêr (Rûdaw) - Îraqê bi biryara Serokwezîr Mihemed Şiya Sûdanî sînorê xwe yê bi Sûriyeyê re girt.

Cîgirê Fermandarê Operasyonên Hevbeş ê Îraqê Qeys Mihemedawî li ser mijarê daxuyaniyek da.

Qeys Mihemedawî ragihand ku Îraqê sînorê xwe yê bi Sûriyeyê re bi temamî girtiye.

Ev biryar bi fermana Serokwezîr û Fermandarê Giştî yê Hêzên Çekdar ên Îraqê Mihemed Şîa Sûdanî hat dayîn.

Qeys Mihemedawî  got, "Hêzên ewlehiyê dikarin Îraqê biparêzin û ji hemû gefan re amade ne."

Ev biryar piştî ku komên girêdayî Heyeta Tehrîr El Şamê (HTŞ) êrişê parêzgehên Îdlib û Helebê kir hat wergirtin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger