Dije Teror: 3 taxên din hatine kontrolkirin

Mûsil (Rûdaw) – Fermandarê hêzên Dije Terora Iraqê ragihand ku 3 taxên rojhilatê Mûsilê ji DAIŞiyan hatiye paqijkirin.

Di pêngava duwemîn a operasyona Mûsilê de Artêşa Iraqê ber bi taxên nav bajêr ve pêş dikevin û şer û pevçûnên dijwar di kolanên rojhilatê Mûsilê de hene.

Fermandarê Hêzên Dije Terora Iraqê General Ebdulwehab Sedî bi daxuyaniyekî eşkere kir, ku li rojhilatê bajêr hêzên wan taxên Qadîseya Duyemîn, Çarrêya Mehrûq û ya Ebadî bi temamî ji DAIŞê û paşmayên wî paqîj kirine.

Hêzên Pêşmerge û Artêşa Iraqê roja 17ê Cotmehê dest bi operasyona kontrolkirina Mûsilê kirin.

Di duwemîn qonaxa operasyonê de heta niha Artêşa Iraqê 23 tax û kolanên Mûsilê kontrol kirine.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger