Firokeya serbazî ya Iraqê li Xurmatû ket

Hewlêr (Rûdaw) – Firokeyeke Iraqê ji ber pirsgirêkeke teknîkî li navçeya Xurmatû ket û di encamê de 6 kes birîndar bûn.

Berdevkê Heşda Şeibî li Xurmatû Elî Haşim Husênî ji Rûdawê re ragihand: “Îro demjimêr 01:40ê piştî nîvrî, firokeyeke bi corê Fantom, ku 6 leşkerên Koleja Firokevanî ya Iraqê hilgirtibû, di dema perwerdeyê de li nêzîk Xurmatû ket xwarê.”

Elî Haşim Husênî da zanîn, ku her şeş sernişînên firokeyê jî birîndar bûne.

Husênî da zanîn, ku piştî bûyerê hêzên artêşa Iraqê gihiştine cihê firokeyê û birîndar jî veguhestine nexweşxaneyê.

Li gorî zanyariyan fiokrya Fantom ji firokexaneya Kerkûkê firiye, ku Koleja Firokevanî ya Iraqê li wir e.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger