Hewlêr (Rûdaw) - Li sînorê qezaya Xurmatû, helîkoptereke artêşa Iraqê kete xwarê û di encamê de stafa helîkopterê ku ji 5 kesan pêk dihat, canê xwe ji dest dane.
Bûyer îro Pêncşemê serê sibehê û di demjimêr 02:45 de li nêzîk gundê Cerdaxlî yê ser bi bajarokê Amirlî ve çê bûye.
Qaymeqamê Xurmatû, Hesen Zeyn Abdîn dibêje, komîteyeke lêkolînê hatiye pêkanîn û derbarê bûyerê de lêkolînan destpê kiriye.
Hesen Zeyn Abdîn ji Rûdawê re ragihand, “bûyer li nêzîk baregeheke Heşda Şeibî bûye û biryar e şandeke firokevanî ya Hêza Esmanî ya Iraqê û komîteya lêkolînê bi serokatiya Fermandarê Hêza Esmanî ya Iraqê bigihin cihê bûyerê.”
Şaneya Ewlekariyê ya Iraqê jî derbarê bûyerê de daxuyaniyek belav kiriye û têde nasnameya kesên di bûyera ketina helîkopterê de canê xwe ji dest dane, aşkere kiriye.
Li gor daxuyaniyê, pênc kesên bi navê Osame Tariq û Elî Fazil (firokevan), Luey Hatem Ferhan, Esîr Faîz Îbrahîm û Wesam Elî Sefîh bi pileya cîgirê efser, di bûyerê de canê xwe ji dest dane.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse