Hewlêr (Rûdaw) – Serokê Herêma Kurdistanê Nêçîrvan Barzanî û Serokwezîrê Îraqê Mihemed Şiya Sûdanî pêngavên hikûmeta Îraqê yên ji bo xizmetguzariyan gotûbêj kirin.
Serokê Herêma Kurdistanê Nêçîrvan Barzanî îro çû Bexdayê û dê bi berpirsên Îraqê re bicive.
Nêçîrvan Barzanî destpêkê bi Serokwezîrê Îraqê Mihemed Şiya Sûdanî re civiya.
Li gorî daxuyaniya Serokatiya Herêma Kurdistanê, di civînê de rewşa giştî ya Îraqê û hewl û pêngavên hikûmeta Îraqê yên ji bo pêşxistina xizmetguzariyan hatin gotûbêjkirin.
Her du alîyan tekezî li ser giringîya berdewambûna gotubêjên avaker ên ji bo pirsên hevbeş ên navbera hukûmeta Îraqa û Herêma Kurdistanê kir.
Herwiha her du aliyan ji bo bihêzkirina pêwendiyan Hewlêr û Bexdayê pêwîstî bi piştevaniya hemû aliyên siyasî dît.
Ji aliyê din ve Sûdanî diyar kir ku serdana Nêçîrvan Barzanî ya Bexdayê ji bo çareserkirina pirsgirêkên hevbeş girîng e.
Nêçîrvan Barzanî kêfxweşiya xwe ji bo hewlên Sûdanî yên ji bo çareserkirina pirsgirêkan bi rêya diyalogê nîşan da.
Serokê Herêma Kurdistanê Nêçîrvan #Barzanî çû Bexdayê û Serokwezîrê Îraqê Mihemed Şiya Sûdanî ew bi germî pêşwazî kir pic.twitter.com/wKhONTac0i
— RudawKurdi (@RudawKurdi) April 27, 2024
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse