Kurdistan
Perestgeha Lalişê, perestgeha herî prîz a Kurdên Êzidî ye û li navçeya Şêxan a parêzgeha Duuhokê ye.
Hewlêr (Rûdaw) – Serokwezîrê Iraqê ragihandiye, di demeke nêzîk de ew dê serdana qezaya Şingalê û perestgeha pîroz a Kurdên Êzidî, Perestgeha Lalişê bike.
Şandeke pilebilind a civaka Kurdên Êzidî bi serokatiya Mîrê Êzidiyan Mîr Hazim Tehsîn Beg serdana Bexdayê kir û bi Serokwezîr Mihemed Şiya Sûdanî re hevdîtin pêk anî.
Li gor dauxyaniya ofîsa Serokwezîriya Iraqê, Mihemed Şiya Sûdanî di civînê de ragihandiye ku ew dê serdana Şingalê û Perestgeha Lalişê bike.
Hatiye gotin, di civînê de şanda Êzidiyan ji bo serdanê daxwaz ji Serokwezîrê Iraqê kiriye û wî jî qebûl kiriye.
Di daxuyaniyê de wiha tê gotin, Şandeyê ji Sûdanî xwestin ku “seredana Şingalê û Perestgeha Lalişê bike û wî soz da ku di demek nêzîk de bi wan re hevdîtinê pêk bîne û bi kesên xwedî helwestên qehremanî re hevdîtinê pêk bîne.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse