Hewlêr (Rûdaw) - Şêwirmendê Ewlehiya Niştîmanî ya Îraqê Qasim Erecî li ser êrişa Amerîkayê got, “Binpêkirina eşkere ya serweriya Îraqê ye.”
Amerîkayê îro berê sibehê li Enbar û Babilê baregehên Lîwayên Hizbulahê û Heşdî Şebiyê kirin hedef.
Wezîrê Parastinê yê Amerîkayê Lloyd Austin ragihandibû wan li Îraqê êrişî grûpên nêzîkî Îranê kiriye.
Di êrişekê de baregeheke Lîwayên Hizbulahê ya li herêma Sîkekê ya li qezaya Qaîmê ya parêzgeha Enbarê bû armanc.
Êrişê duyem a Amerîkayê jî li Curf Sexira Babilê pêk hatiye.
Şêwirmendê Ewlehiya Niştîmanî ya Îraqê Qasim Erecî bi rêya hesabê xwe yê Xê bertek nîşanî van êrişan da û got:
“Ev êriş sûdê nagihînin asayîbûna rewşê. Divê Amerîka ji dêlva armancgirtina saziyên niştimanî yên Îraqê, giraniya xwe bide rawestandina êrişên li ser Xezeyê.”
Li gorî agahiyên ku grûpên nêzîkî Heşdî Şebiyê belav kirine, di van êrişan de çekdarek hatiye kuştin û çar jî hatine birîndarkirin.
Fermandariya Operasyonan a Heşdî Şebiyê jî da zanîn ku di êrişa Amerîkayê ya li Enbarê de çekdarekî wan ê bi navê Elî Enwer Sebîh Seîdî hatiye kuştin.
Li aliyê din, Wezîrê Parastinê yê Amerîkayê Lloyd Austin di daxuyaniya xwe ya nivîskî de ragihand ku amerîkayê bi fermana Biden li 3 navendên ku ji aliyê grûpên çekdar ên ser bi Îranê ve li Îraqê dihatin bikaranîn xistiye.
Wezîrê Parastinê yê Amerîkayê Lloyd Austin êriş wekî “pêwîst” û “bipîvan” bi nav kir û got:
“Ev êriş bersiveke rasterast a çend êrişên grûpên çekdar ên ser bi Îranê ve ye ku li Îraq û Sûriyeyê li dijî karmendên Amerîkayê û Hevpeymaniya Navdewletî pêk hatine.”
“Êrişên xwe demildest rawestînin”
Lloyd Austin bangî wan grûpên nêzîkî Îranê kir ku “êrişên xwe demildest rawestînin” û got:
“Em amade ne ku ji bo parastina gelê xwe û hêzên xwe gavên zêdetir jî biavêjin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse