Hewlêr (Rûdaw) – Wezareta Kiştûkalî ya Iraqê nivîsek ji Rêveberiya Kiştûkalî ya Parêzgeha Kerkûkê re şandiye û têde ew girêbest hilweşandine ku madeya 140ê li xwe digirin.
Li gor nivîsa fermi ya Wezareta Kiştûkalî ya Iraqê/Ofîsa Wezîr Hejmar 469 ku 01.03.2018ê derxistiye, naveroka nivîsa berê ya wezaretê/ofîsa wezîr hejmar 275 ku 05.02.2018 hatiye derxistin, hildiweşîne û daxwaz dike tişta ku pêwist be were kirin û kar bi biryara nû bê kirin.
Roja 08.02.2012ê Encûmena Wezîran a Iraqê biryara hilweşandina hemû biryarên Encûmena Serkirdayetiya Şoreşê ya hilweşiyayî da bi taybetî ewên peywendiya wan bi girêbestên zeviyên kiştûkalî ve heye li Kerkûk û navçeyên cihê nakokiyê, vegerandina wan bo xwediyên wan û tazmînatkirina kesên ji ber wê biryarê zerar dîtine.
Madeya 140 a Destûra Iraqê çend xalên girîng têde hene, ya herî girîng normalkirina rewşa parêzgeha Kerkûkê û navçeyên cihê nakokiyê li parêzgahên din jî wek Nînowa û Diyale, ku niştecihên wan biçin referandûmê û çarenivîsa navçeyên xwe diyar bikin, ka gelo bibin îdareyeke serbixwe yan vegerin ser Herêma Kurdistanê yan jî wek niha bimînin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse