Hewlêr (Rûdaw) - Li navenda perwerdehiya leşkerî ya Spykerê li Iraqê ji aliyê DAIŞê ve komkujiyek hatibû kirin û bi sedan leşkerên Iraqê hatibûn kuştin. Li ser vê bûyerê, ji bo 31 kesan bi tohmeta tevlibûna komkujiyê cezayê îdamê hatibû dayîn û hat ragihandin ku ev ceza hatiye cîbicîkirin.
Qaymeqamê bajarê Samerayê yê girêdayî parêzgeha Selahedînê ve Mehmûd Xelef daxuyaniyek da û aşkera kir, ku cezayê 31 kesên ku tevli komkujiya Spykerê bûne, hatiye sepandin.
Herwiha Xelef diyar kir, cenazeyên 31 kesan bo nexweşxaneya Samerayê hatine hinartin û ew li bendê ne ku termên wan bidin malbatên wan.
DAIŞê di 12ê Hezîrana 2012ê de, li Navenda Leşkerî ya Spykerê 1 hezar û 700 leşkerên Iraqê êxsîr kiribûn û piştre ew bi komî kuştibûn.
Di dîmenên ku li ser medyaya civakî de hatibû belavkirin, nîşan dida ku çekdarên DAIŞê, leşkeran dikujin û termên wan diavêjin Çemê Dîcleyê.
Parlamentoya Iraqê pêştir aşkere kiribû, kesên ku hatine kuştin, xwendekarên leşkerî û peywirdarên ewlehiyê bûne.
Piştî ku parêzgeha Selahedînê kete destê Artêşa Iraqê, hin goristanên komî yên leşkeran hatin dîtin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse