Amerîkayê êriş kir: 3 endamên Heşda Şebiyê hatin kuştin
Hewlêr (Rûdaw) - Heşda Şebiyê daxuyand ku di êrişeke Amerîkayê ya li Îraqê de 3 endamên wan hatin kuştin.
Midûriya Mûşekan a Heşda Şebiyê derbarê mijarê daxuyaniyek weşand.
Di daxuyaniyê de hat gotin ku Amerîkayê êrişeke esmanî biriye ser herêma Curf en-Nesrê ya li ser wilayeta Babîlê.
Li gorî daxuyaniyê, di vê êrişê de ji hêzên Heşda Şebiyê 3 kes hatin kuştin.
Li gorî medyaya herêmî, di heman êrişê de 5 endamên Heşda Şebiyê jî birîndar bûne.
Heşda Şebî grûpeke Şîe ye û nêzîkî Îranê ye.
Li aliyê din, piştî ku şerê Hemas û Îsraîlê dest pê kiriye hêzên Amerîkayê yên li Îraq û Sûriyeyê gelek caran rastî êrişên tên.
Amerîka jî carinan bersivê dide van êrişan û grûpên nêzîkî Îranê dike armanc.