Hewlêr (Rûdaw) - Di navbera Îraq, Tirkiye, Qeter û Îmaratê de ji bo hevkariya di Projeya Rêya Geşepêdanê de peymaneke çaralî hat îmzekirin.
Di çarçoveya serdana Serokkomarê Tirkiyeyê Recep Tayyîp Erdogan a Bexdayê de, di navbera Îraq, Tirkiye, Qeter û Îmaratê de rêkeftina çaralî ya hevkariyê ya Projeya Rêya Geşepêdanê de hat îmzekirin.
Serokkomarê Tirkiyeyê Recep Tayyîp Erdogan û şandeya pê re bi Serokwezîrê Îraqê Mihemed Şiya Sûdanî re hevdîtinek pêk anî.
Piştî hevdîtinê di navbera Tirkiye û Îraqê de Peymana Projeya Rêya Geşepêdanê hat îmzekirin.
Peyman li Koşka Hikûmetê ya li Bexdayê bi serpereştiya Serokkomarê Tirkiyeyê Recep Tayyîp Erdogan û Serokwezîrê Îraqê Mihemed Şiya Sûdanî hat îmzekirin.
Sûdanî: Peyman dê wekî pirekê be
Sûdanî di civîna çapemeniyê ya hevbeş a ku piştî civînê hat lidarxistin de diyar kir ku ev peyman dê ji bo gelên herêmê bibe pirek û got:
“Ev dê bibe sedem ku gel bi başî ji hev fêm bikin. Dê bibe sedema ewlehî û îstiqrarê.”
Sûdanî herwiha anî ziman:
“Em bi Serokkomar Erdogan re li ser têkoşîna li dijî astengiyên ewlehiyê û hebûna grûpên terorîst axivîn. Ji bo kontrol û îstiqrara zêdetir me li ser ewlehiya herêma sînorê Tirkiye û Îraqê gotûbêj kir.”
Daxuyaniya Rêya Geşepêdanê ya Erdogan
Serokkomarê Tirkiyeyê Recep Tayyîp Erdogan jî di destpêka axaftina xwe de behsa Projeya Rêya Geşepêdanê kir.
Serokkomarê Tirkiyeyê Recep Tayyîp Erdogan got:
“Peymana Rêya Geşepêdanê nexşeya rêyeke saxlem e. Me biryar da ku komîteyên hevpar ên daîmî ava bikin ku ji bo berdewamkirina muzakereyên ewlehî, têkoşîna li dijî terorê, enerjî, perwerde, tenduristî û jîngehê. Em dê ji bo peymanan pêk bînin koordînasyona pêwîst bikin.”
Merasîma îmzekirina peymana çaralî ya di navbera Îraq, Tirkiye, Qeter û Îmaratê de
— RudawKurdi (@RudawKurdi) April 22, 2024
Peyman li ser rêya geşepêdanê ye pic.twitter.com/nuuR0Jju77
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse