Rojnamevan nebû hevalê wan gulebaran kirin

Mûsil (Rûdaw)- Rêxistina DAIŞê li bajarê Mûsilê rojnamevanek gulebaran kir, ji ber ku red kir bibe alîgirê wan.

Berpirsê Sendîkaya Rojnamevanên Kurdistanê Şaxa Mûsilê, Ekrem Silêman ji Rûdawê re ragihand: “Çekdarên DAIŞê, îro danê sibehê rojnamevan Fîras Elbehrî li nava Mûsilê gulebaran kirin.”

Ekrem Silêman wiha got: “3 roj mohlet ji wî rojnamevanî re hatibûn danîn ku, tobe bike û tevlî wan bibe, lê Fîras Elbehrî ew yek nekir û îro hat gulebarankirin.”

Silêman wiha domand: “Elbehrî 7emîn rojnamevan e ku ji aliyê DAIŞê vet ê kuştin. Niha 10 rojnamevanên din jî di destê wan de ne û çarenivîsa wan nediyar e.”

Tê zanîn ku beriya nêzîkî salekê rêxistina DAIŞê bajarê Mûsilê kontrol kir û wel kurd û xristiyanan, rojnamevan jî kir armanca xwe.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger