Hewlêr (Rûdaw) - DAIŞê li sînorê di navbera parêzgehên Selahedîn û Enbarê de êrişî leşkerên artêşa Îraqê kir û di encamê de 3 leşker hatin kuştin.
Êriş derengiya şeva borî hatiye kirin ku berpirsekî pilebilind ji Rûdawê re ragihand, êriş li ser sînorê navçeyên Bêcî û Hedîsêyê ku dikeve navbera parêzgehên Selahedîn û Enbarê de pêk hat.
Nasnameyên leşkerên ku hatine kuştin Ehmed Feyaz, Ehmed Muhsîn û Ziya Huseyn in.
Roja sêşemê çavkaniyekî ji polîsên Xurmatûyê ji Rûdawê re ragihand:
“Çekdarên DAIŞê roja duşemê saet 15:30ê li nêzîkî gundê Xeşamnayê yê Tirkmen û Ereban a navçeya Xurmatûyê 2 şivan revandin.”
Şêwirmendê asayîşa parêzgeha Selahedînê Kawa Şêxanî jî ji Rûdawê re ragihand:
“Çend roj in tevgera DAIŞê li Zerge, Fethe û Geliyê Şayê zêde bûye û doh êvarê 4 çekdarên bi motorsîklet 2 şivanên Ereb revandin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse