Hewlêr (Rûdaw)- Serokê Herêma Kurdistanê Nêçîrvan Barzanî li Bexdayê bi Serokkomarê Îraqê Dr. Letîf Cemal Reşîd re civiya.
Di civînê de rewşa siyasî, ewlehî û aboriyê ya welêt hat gotûbêjkirin û meaş mafên karmend û malnişînên Herêma Kurdistanê hat gotûbêjkirin.
Li gorî daxuyaniya Serokatiya Herêma Kurdistanê, di civînê de rewşa siyasî, ewlehî û aborî ya welêt, têkiliyên di navbera desthilatên federal û Herêma Kurdistanê û pêşhatên dawî yên herêmê hatin gotûbêjkirin.
Di daxuyaniyê de hat diyarkirin ku her du aliyan girîngiya berdewamiya diyaloga Herêma Kurdistanê û desthilatdarên federal, çareserkirina xalên nakok li gorî yasa û destûrê û dabînkirina meaş û mafên karmend û Herêma Kurdistanê tekez kirine.
Serok Herêma Kurdistanê û Serokkomarê Îraqê li ser girîngiya serdana berpirsên hikûmeta federal û hikûmeta herêmê ya ji bo hevtêgihiştineke hevpar û xurtkirina bingehên diyaloga avaker û karîger a ji bo çareserkirina pirsgirêkan û derbasbûna ji astengiyên hevbîr bûn.
Nêçîrvan Barzanî tekezî li ser pêwîstiya dabînkirina mafên darayî yên Herêma Kurdistanê ji aliyê hikûmeta federal ve kir û dubare kir ku lihevtêgihiştin û çareserkirina pirsgirêkan dê alîkariya xurtkirina pêwendiyên her du aliyan bike.
Serok Herêma Kurdistanê her wiha ji bo lêpirsîn û çareserkirina mijarên Hewlêr-Bexdaeyê spasiya hewlên Serokkomarê Îraqê kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse