3 mûşek arasteyî Balyozxaneya Amerîkayê hatin kirin
Hewlêr (Rûdaw) - Peyamnêrê Rûdawê ragihand, Balyozxaneya Amerîkayê ya li Bexdayê, rastî êrişên bi mûşekan hat. Di wê êrişê de 2 sivîl birîndar bûn.
Li gor zanyariyên peyamnêrê Rûdawê, îro di saetên êvarî de 3 mûşek arasteyî Balyozxaneya Amerîkayê ya li Navçeya Kesk a Bexdayê hatin kirin.
Sîstema dije mûşek
Peyamnêrê Rûdawê ragihand, 2 ji wan mûşekan ku arasteyî balyozxaneyê hatibûn kirin, ji aliyê sîstema dije mûşek ve hatin xistin.
Şaneya Ragihandina Emnî ya Iraqê jî ragihand, ji ber wê êrişa bi mûşekan, keçek û jinek ku li dibistanekê bûn, birîndar bûn.
Daxuyaniya Balyozxaneya Amerîkayê
Balyozxaneya Amerîkayê jî derbarê êrişa bi mûşekan de daxuyaniyek belav kir û ragihand, balyozxane “ji aliyê grûpên terorîst ve rastî êrişê hatiye ku hewl didin (ew grûp) asayiş, serwerî û peywendiyên navdewletî lawaz bikin.”
Balyozxaneya Amerîkayê ya li Bexdayê bibîr dixe, ku êrişên bi vî rengî “ne tenê bo ser cihên dîplomatîk in, lê bo ser serweriya Iraqê ne.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse