Artêş û Heşda Şeibî berê xwe dane Cezîrê

Hewlêr (Rûdaw) – Artêşa Iraqê bi piştgiriya hêzên Heşda Şeibî dest bi duyemîn qonaxa operasyona Cezîreyê kirin.

Fermandarê Operasyonên Cezîre û Jûra Feratê Ebdulemîr Reşîd Yarellah ragihand, ku di qonaxa duyemîn a operasyonê de dê tevahiya navçeyên Cezîreyê ji destê DAIŞê werin derxistin.

Ebdulemîr Reşîd Yarellah herwiha da zanîn, ku Firqeya 7 a Zirxpoş û Firqeya 8 a Piyade di çarçoveya operasyonê de 10 gundên Cezîreyê kontrol kirine.

Hêzên Heşda Şeibî jî bi 11 lîwayên çekdaran beşdarî vê operasyonê dibe.

Herêma Cezîre û Jura Feratê dikeve navbera parêzgeha Nînowa û Enbarê, piraniya herêmê çol û biyaban e. Tê gotin, ku piraniya çekdarên DAIŞê yên li Iraqê mane, li vê herêmê ne.

(N.S)

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger