Hewlêr (Rûdaw) - Serokwezîrê Iraqê Mistefa Kazimî ku di heman demê de Fermandarê Giştî yê Hêzên Çekdar ên Iraqê ye ragihand, her çiqas paşmayên DAIŞa “şikestî” hewl bidin, lê derfet nîne bo vegera wan û got, “Em di kemînê de ne û dê yek bi yek nêçîra we bikin, dê yek bi yek nêçîra serkirdeyên we bikin.”
Serokwezîrê Iraqê Mistefa Kazimî îro piştî civîna li gel Serokwezîrê Herêma Kurdistanê Mesrûr Barzanî, li gel Wezîrê Pêşmerge Şoreş Îsmaîl û berpirsên din ên serbazî yên Herêma Kurdistanê û Iraqê, serdana Mexmûrê kir û li Baregeha Mîhwera Şeş a li wê herêmê civîneke berfireh saz kir.
Ofîsa Ragihandinê ya Serokwezîrê Iraqê daxuyaniyek derbarê wê civînê de belav kir û li gor wê daxuyaniyê Mistefa Kazimî di civînê de amaje bi wê kir ku bi mebesta “jinêzîk ve şopandina rewşa Mexmûr û deverê, wirdekariyên planên emnî ji bo rûbirûbûna metirsiyên terorê û rêgirtina dûbarebûna êrişên paşmayên çekdarên DAIŞê” wan ev serdan pêk anîne.
Mistefa Kazimî di axaftina xwe de bang li çekdarên DAIŞê jî kir û got, “Ez ji vir, ji meydana şer ji rêxistina terorîst re dibêjim: Xeyal nekin, em di kemînê de ji bo we û em dê yek bi yek nêçîra we bikin, em dê yek bi yek nêçîra serkirdeyên we jî bikin û hûn dê bigihijin cezayê xwe yê dadperwerane jî. Grûpa we ya ji hev belavbûyî ku di bin erdê de ye, ji aliyê qehremanên hêzên esmanî û bejayî ve hûn tên şopandin. Hemû hêzên me bi hêz û wêrekî li pişt wan radiwestin. Ev Iraq bi gel, dezgeh û qehremanên xwe yêm di hemû hêzên emnî de mezin e û her çiqas paşmayên şikestxwarî hewl bidin jî, derfet nîne bo vegera DAIŞê.”
Serokwezîrê Iraqê Mistefa Kazimî li gel Wezîrê Pêşmerge Şoreş Îsmaîl û berpirsên din ên serbazî serdana gundê Lihêban kir
— RudawKurdi (@RudawKurdi) December 8, 2021
➡️Gundê Lihêban çend roj berê ji ber DAIŞê hatibû valakirin û bi destpêkirina operasyonên Pêşmerge û artêşa Iraqê xelkê gund vegeriyan sen malên xwe pic.twitter.com/QY9jN4n29T
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse