Mûsil (Rûdaw) – Serkirdeyekê mezin ê rêxistina DAIŞê yê bi navê Ebû Omer di şerê Mûsilê de hat kuştin.
Hêza Dije-Tero a Artêşa Iraqê îro yekşemî di daxuyaniyekê de ragihand, serkirdeyekî pilebilind ê DAIŞê di encama êrişên hêzên iraqî bo ser taxa Dinedan a li aliyê rojavayê bajarê Mûsilê de, hat kuştin.
Li gorî daxuyaniyê, serkirdeyê DAIŞê yê kuştî navê wî Ebû Omer e û xwediyê nasnameya welatê Misirê ye.
Dije-Terora Iraqê daye xuyakirin, ku Ebû Omer serkirdeyekî diyar ê rêxistina DAIŞê li bajarê Mûsilê bûye.
Di daxuyaniyê de hatiye gotin, Ebû Omber kembereke bombekirî pê ve girêdayî bûye û hewl daye, li Taxa Dewase xwe bi leşkerên Iraqê de biteqîne, lê belê berî ku bikaribe xwe biteqîne, ji aliyê hêzên Dije-Terorê ve bûye armanc û hatiye kuştin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse