Bexda (Rûdaw) – Ji bo serokatiya Parlamentoya Iraqê navê 6 namzedan ji pêkhateya Sunne radestê serokê demkî yê parlamentoyê Mihemed Zeynî hatine kirin.
Yekemîn rûniştina xula çarem a Parlamentoya Iraqê îro bi amadebûna parlementerên Kurd pêk hat. Di rûniştinê de Mihemed Zeynedîn weke parlementerê herî bi temen, serokatiya yekem rûniştina parlementoyê kir.
Di rûniştina îro de navê 6 namzedan serokatiya parlamentoyê ji Mihemed Zeynedîn re hatine pêşkeşkirin.
Çavkaniyeke agahdar ji Rûdawê re ragihand, ku navê wan namzedan wiha ne; Mihemed Helbûsî, Mihemed Temîm, Usame Nuceyfî, Reşîd Ezawî, Ehmed Cibûrî û Telal Zewbeî.
Li gorî rêkeftina pêkhateyên Iraqê postê serokwezîrtiyê ji bo Şieyan, serokomarî bo Kurdan û serokatiya parlamentoyê jî ji bo Sunneyan e.
Yekemîn rûniştina xula çaremîn a Parlamentoya Iraqê ji bo roja Sêşemê hate paşxistin.
Rûniştina Parlamentoya Iraqê di demekê de ye hê jî ji bo pêkanîna hikûmetê ti aliyekê nekariya fraksiyona herî mezin pêk bîne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse