Nucêfî: Nabe bûdceya Iraqê bêyî kurd were pesendkirin

Hewlêr (Rûdaw) – Serokê Parlamentoya Iraqê Osame Nucêfî, diyar kir kurd beşekî serekî ji gelê Iraqê ye û nabe were piştguhxistin.

Serokê Parlamentoya Iraqê Osame Nucêfî, îro di civîneke rojnamevanî de li avahiya parlamentoyê ragihand, divê aliyên siyasî li ser bûdceya welêt li hev bikin û nabe bûdce bi hêza “dengê piranî” were pesendkirin.

Osame Nucêfî, anî ziman ku kurd beşek serekî ji gelê Iraqê ye û divê hurmerta kurd were girtin û piştguhxistina kurd xetayek kujek e û nabe were encamdan.

Nucêfî destnîşan kir ku birrîna mûçeyên karmendên Herêma Kurdistanê rewş alozitr kiriye.

Serokê parlamentoyê ji endamên parlamentoyê xwest, beşdarî civînên parlamentoyê bibin û heta bûdce neyê pesendkirin nabe ti endamek daxwaza mohletê bike.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger