Xamneyî referandûm red kir

Hewlêr (Rûdaw) - Rêberê Komara Îslamî ya Îranê Elî Xamneyî daxwaza encamdana giştpirsiyê ji bo pirsgirêkan red kir.

Rêberê Komara Îslamî ya Îranê Elî Xamneyî di civîna bi hejmarek xwendekaran de bersiva wan kesayetiyan da ku daxwaza birêveçûna referandûmê li Îranê dikin û got, “Li ku dera cîhanê heye ku ji bo biryardan li ser pirsên cuda di welat de giştpirsî bê kirin.”

Rêberê Komara Îslamî ya Îranê dibêje, her giştpirsiyek wê 6 mehan xelkê bi xwe ve mijûl bike û ew çi gotineke ku ji bo pirsên cuda yên welat giştpirsî bê kirin?

Dijayetiya Elî Xamneyî li gel giştpirsiyê li Îranê piştî vê yekê tê ku di heyama derbasbûyî de çendîn kesayetiyên diyar yên Îranê daxwaz kiribûn ji bo biryardan li ser pirsên girîng giştpirsî bê kirin ku ji kesayetên wek Serokkomarê berê yê Îranê Hesen Rûhanî, Serokê Tevgera Kesk Mîr Hisên Mûsewî û Kesayetiyê Sune û Pêşnimêjê Zahidanê Mewlewî Ebdullhemîd û hejmarek kesayetiyên din ên ku di sîstema Komara Îslamî de berpirsatiyên bilind hebûne pêk tên.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger