Amnesty International helwêsta Îranê li hember xwepêşanderan rexne kir

Hewlêr (Rûdaw) - Rêxistinaa Lêborînê ya Navdewletî (Amnesty International) di raporekî xwe de, ragihand ku hêzên ewlehiyê yên Komara Îslamî ya Îranê di xwepêşandanên çend rojên derbasbûyî de li welatî, rêkarên neyasayî bikar anîne. 

Rêxistina Lêborîna Navdewletî Amnesty derbarê xwepêşandanên li Îranê de daxuyaniyek belav kir û têde ragihand ku di xwepêşandanên nerazîbûnê li hember xistina firokeya Ukraynê de gelek xwepêşander ji aliyê hêzên ewlekariyê ve hatine birîndarkirin

Li gorî Rêxistina Lêborîna Navdewletî Amnesty, bikaranîna amrazên zorê û neyasayî ji aliyê Îranê ve, dîrokekî dirêj heye û Îranê gaza rondikan, gulleyên plastîkî û gelek amûrên din ên tûndûtûjiyê li dijî xwepêşanderan bikar anîne.

Herwiha Amnesty dibêje ku Komara Îslamî ya Îranê zanyariyên derbarê girtiyan û cihê ragirtina wan de eşkere nake.