Hewlêr (Rûdaw) - Termên 300 leşkerên Îranê yên ku di şerê Îran û Îraqê de hatibûn kuştin li bajarên cuda yên Îranê tên veşartin.
Ji bo leşkerên ku termên wan piştî 36 salan hatin dîtin li Tehran û hinek bajarên din ên Îranê merasîma veşartinê hat kirin.
Hinek rayedarên leşkerî û sivîl beşdarî merasîma li Zanîngeha Tehranê bûn.
Cenazeyên ku demên cuda hatine dîtin dê piştî merasîman li Tehran û hinek bajarên din werin veşartin.
Şerê Îran û Îraqê 8 salan ajotibû û sala 1988an xelas bûbû.
Leşkerên ku termên wan heta niha jî nehatine dîtin bi navê “leşkerên bênav” tên zanîn.
Termên ku li Îraqê tên dîtin dem bi dem vediguhêzin Îranê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse