Li Îranê erdhejeke mezin çêbû
Hewlêr (Rûdaw) – Li eyaleta Sîstan û Belûçistanê ya li başûrrojhilatê Îranê erdhejeke bi mezinahiya 5,6 pileyan çêbû.
Navenda Sîsmolojiyê ya Neteweyî ya Îranê ragihand ku navenda erdhejê bajarokê Fenûcê yê Sîstan û Belûçistanê bûye.
Hat ragihandin ku erdhejê demjimêr 07:50î rû daye û kûrahiya wê 80 kîlometre bûye.
Navenda Îdareya Krîzan a Sîstan û Belûçistanê da zanîn ku heta niha li ser xisarên erdhejê ti agahî nigihiştine ber destê wan.