Rojhilata Navîn
Topbarana navçeyeke di jêr kontrola Hêzên Sûriyeya Demokratîk de ji aliyê artêşa Tirkiyê û komên çekdarên Sûrî yên ser bi wî welatî ve.
Hewlêr (Rûdaw) - Artêşa Tirkiyê û çekdarên ser bi wê ve çend gundên ser bi Minbic, Bab û Girê Spîve topbaran kirin.
Çavkaniyên xwecihî belav kirine ku şeva bihorî Artêşa Tirkiyê û grûpên çekdar ser bi wê ve, çend gundên Minbic û Babê bi hawnan topbaran kirine. Li gor heman çavkaniyan, Tirkiyê ji bingehên xwe yê Şêx Nasir, Şiwêhe û Zerzûr li rojhilatê Babê, gundên Irêmê, Yalnî û Fewaris topbaran kirine.
Herweha di heman demê de, Tirkiyê ji bingehên xwe yên Yaşlî û Kerbiclî, bi dehan top avêtine gundên Mihsinlî, Ereb Hesen, Eseleiyê, Camûsiyê, Seyade li bakurê rojavayê Minbic.
Li gor zanyariyan, Tirkiyê her şeva bûrî gundê Bîloniye û Şêx Îsa li Şehbayê, herweha gundê Zenûbiya li gundewarê Girê Spî bi hawnan topbaran kiriye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse