Hewlêr (Rûdaw) - Serokê Herêma Kurdistanê Nêçîrvan Barzanî, ji bo şîna birayê Serokê Îmaratê Şêx Mihemmed Bin Zayed El Nehyan çû paytexta Îmaratê Abu Dabiyê.
Şêx Seîd Bin Zayed El Nehyanê birayê Serokê Îmaratê, 27ê Tîrmehê koça dawî kiribû.
Serokê Herêma Kurdistanê Nêçîrvan Barzanî, îro li Abu Dabiyê beşdarî şîna Serokê Îmaratê Mihemmed Bin Zayed El Nehyan bû.
Serokatiya Herêma Kurdistanê di daxuyaniya xwe de ragihand, “Serokê Herêma Kurdistanê li ser navê xwe, navê Serok Barzanî û navê gelê Kurdistanê sersaxî ji Serokê Îmaratê re xwestiye.”
Di daxuyaniyê de hatiye gotin ku Serokê Îmaratê jî ji bo serdan û hevxemiya wî spasiya Neçîrvan Barzanî kiriye.
Şêx Seîd Bin Zayed El Nehyanê ku koça dawî kiriye kurê şeşan ê Şêx Zayed Bin Sultan El Nehyan bû.
Ew, sala 1965an hatibû dinyayê û wî di nava hikûmetê de çend peywirên cuda bi cih anîbûn.
Li aliyê din, ji ber mirina Şêx Seîd Bin Zayed El Nehyan, li seranserê Îmaratê ji bo maweyê 3 rojan şîna giştî hate ragihandin.
Serokê Herêma Kurdistanê Nêçîrvan #Barzanî, ji bo şîna birayê Serokê Îmaratê Şêx Mihemmed Bin Zayed El Nehyan çû paytexta Îmaratê pic.twitter.com/gHh1CW1uyT
— RudawKurdi (@RudawKurdi) July 29, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse