Vegera koçberên Sûriyeyî berdewam e

Hewlêr (Rûdaw) - Hejmara koçberên Sûriyeyî yên ji bo Cejna Qurbanê ji bajarên cuda yên Bakurê Kurdistan û ‎Tirkiyê vedigerin welatê xwe gehişte 8 hezar kesan.‎

Vegera koçberên Sûriyeyî di Deriyê Sînor ê Oncupinara Kilîsê re berdewam e. Vegera koçberên ‎Sûriyeyî yên dixwazin Cejna Qurbanê li welatê xwe derbas bikin ji 22ê mehê ve destpê kiriye û ‎heta niha hejmara yên çûne Sûriyê gehiştiye 8 hezar kesan.‎

Penaberên Sûriyeyî piştî ku bi awayekî elektronî ‎‏navê xwe dinivîsin, Fermangeha Koç û ‎Koçberan bi rêya karteke taybet mohleta demkî ya ‎‏vegerê dide penaberên Sûriyeyî daku ‎bikaribin biçin Sûriyê.‎‏

Piştî bidawîbûna karûbarên yasayî, bi armanca derbaskirina rojên cejnê li welatê xwe, ‎‏penaberên Sûriyeyî tên Deriyê Sînor ê Oncupinar ser bi bajarê Kilîsê yê Bakurê Kurdistanê û ‎‏‎ ‎derbasî aliyê Sûriye ‎‏û Rojavayê Kurdistanê navçeyên Cerablus, Marii,Soran, Aktarîn, ‎Çobanbeylî, Efrîn û El Babê ‎‏dibin.‎‏

Li gor wê karta werdigirin heta hefteyek piştî Cejna Qurbanê dikarin li Sûriyê bimînin, lê eger ‎‏dem derbas bibe, nikarin vegerin Tirkiyê. Di Cejna Remezanê de 68 hezar penaberên Sûriyeyî di ‎‏herdu deriyên Kilîs û Hatayê re vegeriyabûn Sûriyê. Piştî dema wan xilas dibe careke din ‎‏vedigerin Tirkiye û Bakurê Kurdistanê.‎‏

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger