Hizbulahê Îsraîl da ber mûşekan

Hewlêr (Rûdaw) - Hizbulahê ragihand ku wan êrişî baregeheke leşkerî û 9 jîwarên li Îsraîlê kiriye.

Hizbulahê bi rêya hesabê xwe yê Telegramê li ser êrişên xwe yên dawiyê agahî dan.

Li gorî daxuyaniyê, bi mûşekan êrişî baregeha leşkerî ya Zevulunê û dronên kamîkaze jî êrişî herêma Bar Levê ya li rojhilatê Eqayê hatiye kirin.

Hizbulahê diyar kir ku wan bi mûşek, top û dronên kamîkaze êrişî leşkerên Îsraîlê yên li Hula, Xilet Nayîf, Eyterûn û El-Mercê kiriye.

Li gorî daxuyaniya Hizbulahê, di van êrişan de hinek leşkerên Îsraîlê hatine kuştin (hejmar nehatiye dayîn) lê divê were gotin ku Îsraîlê ev agahî piştrast nekiriye.

Li gorî heman daxuyaniyê, 9 warên jiyanê yên li bakurê Îsraîlê jî bûne hedefa êrişan.

Hizbulaha Libnanê bi dehan mûşekan êrişî Îsraîlê kir

📌Li gorî agahiyan di êrîşê de 2 kes birîndar bûne pic.twitter.com/bsGpAyWPu1

— RudawKurdi (@RudawKurdi) October 27, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger