WAN-IFRA baştirînên medyayên dijîtal xelat dike

Dubey (Rûdaw) – Komeleya Cîhanî ya Rojname û Weşanan (WAN-IFRA) li Dubey îro bi merasîmekê baştirînên medyayên dijîtal xelat dike.

13emîn Konferansa Komeleya Cîhanî ya Rojname û Weşanan a Rojhilatê Navên li Dubey îro Çarşemê (28.02.2018) tê sazkirin. Di çaçoveya merasîmê de baştirînên medyayên dijîtal yên sala 2017ê dê bêne xelatkirin.

Komeleya Cîhanî ya Rojname û Weşanan, Hezîrana 1948ê li Parîsê ji aliyê Yekîtiya Rêvebirên Rojnameveyên Netewî ve hate damezrandin.

Komeleya navborî ji 120 welatan 73 yekîneyên rojnameyên netewî, 11 ajansên nûçeyan, 9 torên medyayî yên heremî û 18 hezar rojnameyan lixwe digire.

Rêveberê Giştî yê Tora Medyayî ya Rûdawê Ako Mihemed û Rêveberê Portala Rûdawê Hêmin Lihonî beşdarî Konferansa Komeleya Cîhanî ya Rojname û Weşanan WAN-IFRAê bûne.

Hezîrana 2009ê WANê ligel saziya IFRA ya ji bo nûçeyan weke lêkolînan dike bû yek û navê wê bû WAN-IFRA.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger