Mezlûm Kobanî: Ebûbekir Bexdadî bi operasyoneke hevbeş hat kuştin

Hewlêr (Rûdaw) – Fermandeyê Giştî yê Hêzên Sûriya Demokratîk (HSD) Mezlûm Kobanî ragihand ku “xelifeyê” DAIŞê Ebûbekir Bexdadî piştî 5 meh amadekariyên operasyonekê hate kuştin.

Fermandeyê Giştî yê Mezlûm Kobanî derbarê kuştina Ebûbekir Bexdadî de li ser hesabê xwe yê twitterê daxuyanî da û eşkere kir ku ew bi operasyoneke hevbeş hatiye kuştin.

Mezlûn Kobanî dibêje: “Ev 5 meh in ku amadekariyên vê operasyonê dihatin kirin. Piştî komkirina zanyariyên istixbaratî û şopandinê, bi operasyonekî hevbeş Ebûbekir Bexdadî hatiye kuştin.”

Kobanî herwiha spasiya wan aliyan dike ku beşdarî operasyona kuştina Bexdadî bûne.

Herwiha pêştir jî Fermandeyê Giştî yê HSDê Mezlûm Kobanî li ser hesabê xwe yê twitterê ragihandibû ku wan operasyoneke serkevtî ya dîrokî ligel Amerîkayê pêk aniye, lê eşkere nekiriye ka çi ye.

For five months there has been joint intel cooperation on the ground and accurate monitoring, until we achieved a joint operation to kill Abu Bakir al-Bagdadi.

Thanks to everybody who participate in this great mission.@realDonaldTrump#SDF#USArmy #Rojava #Baghdadi

— Mazloum Abdî مظلوم عبدي (@MazloumAbdi) October 27, 2019

Berdevkê Navenda Ragihandina Hêzên Sûriya Demokratîk (HSD) Mistefa Balî, li ser hesaba xwe ya Twîtterê daxuyaniyek belav kir.

Mistefa Balî di vê daxuyaniya xwe de got, “Me ji bo jinên Êzidî, komkujiya Kobanî, êrişên li ser Kerkûk û Xaneqînê û ji bo tevahiya gelê Kurd tol hilda û em dê berdewam bikin.”

Balî hewiha ragihand ku operasyonên wan ên bihêz û bi bandor, careke din hêz û rijdbûna wan nîşan dane, lê bi awayekî eşkere behsa kuştina Bexdadî nekiriye.

Jo bo jinên Îzîdî-Komkojiya Kobanê- Erîşên li ser Kerkûk û Xaneqîn.
Ji bo tevahî gelê Kurd.
Me tolhlda û eme dewam bikin.
Sûcên li ser gelê me wê bê Ceza nemîne#Kurd_Yekin@RudawKurdi @K24Tv

— Mustafa Bali (@mustefabali) October 27, 2019

Medya Amerîka ragihand ku kuştina Ebu Bekir Bexdadî hatiye piştrastkirin.

Medyaya Amerîkî dibêje, ku Ebu Bekir Bexdadî û hevjîna wî, xwe teqandine û got, operasyon bi 8 helîkopter û 2 balafirên bê pîlot li Barîşa ya ser bi Idlibê ve hatiye kirin.

Çavkaniyên pizîşkî yên li wê navçeyê jî dibêjin, piştî wê operasyonê 7 cenaze hatine dîtin ku yek ji wan zarok e û 3 jî jin in.

Dema nûçeya kuştina Bexdadî belav bû, Îranê yekser ragihand ku zêdeyî hefteyekê ye ew bi rêya ‎hikûmeta Sûriyê derbarê cihê mana Bexdadî de hatine agahdarkirin û mijûlê komkirina zanyariyên ‎zêdetir ên derbarê wê mijarê de bûn.‎

Hewla kuştina Bexdadî di demekê de ye, Trump la nav welatê xwe rûbirûyê du guşarên mezin bûye, ‎biryara vekişandina hêzên Amerîkayê ji Rojavayê Kurdistanê ku rexneyên dijwar ên Kongresê bi pey ‎xwe anîn û herwiha guşara Kongresê ya lêpirsîna derbarê Trump de li ser peywendiya ligel Serokê ‎Ukraynayê.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger