Ji Bahçelî daxuyaniya li ser Bafel Talebanî

Hewlêr (Rûdaw) - Serokê Giştî yê MHPê Devlet Bahçelî di mîtîngeke hilbijartinan de li bajarê Nîgde yê Tirkiyê behsa Serokê Yekîtiya Niştimaniya Kurdistanê (YNK) Bafel Talebanî kir û got, “Bafel Talebanî yê ku li bajarê Silêmanî yê Iraqê êzing avêt agirê fitneyê, hêviya xwe bi Kiliçdaroglu girêdaye.”

Di demekê de ku hilbijartinên Tirkiyê nêzîk dibin, propagandaya aliyên siyasî jî ji bo razîkirina xelkê û bidestxistina piraniya dengan bi dijwarî berdewam dike.

Di wê çarçoveyê de, duh Sêşemê Serokê Giştî yê MHPê Devlet Bahçelî li bajarî Nîgdeyê beşdarî di mîtîngekê de kir.

Bahçelî daxwaz ji xelkê Nîgdeyê kir ku dengên xwe bidin hem MHPê û hem jî namzedê Serokomariyê yê Tifaqa Cumhur Recep Tayyip Erdogan.

Bahçelî di axaftina xwe de behsa HDPê û Partiya Çep a Kesk (YSP) kir û got, helwesta MHPê derbarê Partiya Çep a Kesk de wek helwesta MHPê ya derbarê HDPê de ye.

Serokê Giştî yê MHPê Devlet Bahçelî herwiha ragihand, Partiya Çep a Kesk û berbijêarê Tifaqa Millet bo Serokkomariya Tirkiyê Kemal Kiliçdaroglu li ser xetekê ne.

Devlet Bahçelî di mîtîngê de behsa Serokê Yekîtiya Niştimaniya Kurdistanê (YNK) Bafel Talebanî jî kir û got, Serokê Giştî yê Yekîtiya Niştimaniya Kurdistanê Bafel Talebanî hêvî dike ku namzedê serokomariyê yê Tifaqa Millet Kemal Kiliçdaroglu di hilbijartinê de biserkeve.

Bahçelî got: “Bafel Talebanî yê ku bi PKK/YPGê re xwe di heman milan de pêça û di nav agirê pevçûnê de li bajarê Silêmaniyê yê Iraqê de êzing avêtin, hêviya xwe bi Kiliçdaroglu girêda. Ez ji Nîgdeyê ji Kiliçdaroglu dipirsim; Ez ji wî hêvî dikim ku bersivê bide heke wî hinek rûmet, hinek jîrîtî (aqil) û hinek exlaq hebe. We çi soz da HDPê, we çi temînat parve kir? We kîjan çekên vala yên ku ji aliyê milîsên emperyalîst ve hatine pejirandin dane PKKê? We çawa dilê FETO razî kir? We çawa Pennsylvania razî kir? We got “Em dê qatilê li Îmraliyê berdin” an na? We got 'Em dê destûrê bidin rêveberiyên xweser' an na? We ji dewleta terorê ya ku li ser sînorên me yên başûr plankirî ye re got 'baş' an na? Terorîst Besê Hozat dibêje 'Kiliçdaroglu'. Terorîst Selahattin Demirtaş dibêje 'Kiliçdaroglu'. Serokê YPGê Salih Muslim jî dibêje 'Kiliçdaroglu'. Em armanc dikin ku 100 saliya Komarê bi serketina gel tacîdar bikin. Di vê têkoşîna adil û dîrokî de nexşerêya me zelal e.”

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger