Hewlêr (Rûdaw) - Wezîrê Çand û Werzişê yê Îsraîlê Miki Zohar li ser gotinên Erdogan ên derbarê Hemasê de got, "Êdî dem hatiye ku em têkiliyên xwe yên bi Tirkiyeyê re ji nû ve hesab bikin."
Serokkomarê Tirkiyeyê Recep Tayyip Erdogan îro li Parlamentoya Tirkiyeyê, di civîna Koma AK Partiyê de axivî.
Erdogan rexneyên tund li Îsraîlê girtin û ragihand, “Îsraîl wekî rêxistinekê tevdigere.”
“Rêxistineke rizgarîxwaz a welatê xwe ye”
Erdogan di axaftina xwe de behsa şerê Xezeyê kir û got:
“Hemû welatên Rojavayî civiyan û wan Hemas wekî rêxistineke terorî pênase kir. Hemas ne rêxistineke terorî ye, rêxistineke rizgarîxwaz a welatê xwe ye.”
“Erdogan piştgiriya terorê dike”
Wezîrê Çand û Werzişê yê Îsraîlê Miki Zohar van gotinên Erdogan bi awayekî tund rexne kir û wiha got:
“Erdogan piştgiriya terorê dike. Dem hatiye ku em têkiliyên xwe yên bi Tirkiyeyê re ji nû ve hesab bikin”
ארדואן תומך טרור, נקודה. הגיע הזמן לחשב מסלול מחדש ביחסים שלנו עם טורקיה.
— Miki Zohar מיקי זוהר (@zoharm7) October 25, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse