Tevî krîza aborî li Lubnanê amadekariyên cejna Sersalê tên kirin

Hewlêr (Rûdaw) - Li gel rewşa aborî ya xerab û buhabûna kelûpelan, li Beyrûta paytexta  Lubnanê bi kirîna dar û diyariyan û xemilandina kolanan, xelk pêşwaziyê li hatina cejna Sersalê dike.

Ji ber daketina nirxê Lîreyê Lubnanî her tişt li bazaran buhabûye û êdî xelk nikarin diyariyên cejna sersalê ji bo zarokên xwe bikirin, welatiyek dibêje ku gelek cûdahî dinavbera sala par û îsal de heye, lê divê mirov di cejnê de kêfa xwe bîne.

Dukandareka Lubnanî jî destnîşan kir ku xelk tenê pêdiviyên xwe yên sereke dikirin.

Dukandar Nîna got "Îsal rewşa xelkê ne baş e, ew tenê tiştên pêwîst dikirin, nimûne hersal me gelek lîstikên zarokan  difrotin, lê îsal nirxê wan bilind bûye".

Ji ber daketina nirxê Lîreya Lubnanî her tişt li bazaran buhabûye û êdî xelk nikarin diyariyên cejna sersalê jibo zarokên xwe bikirin.

Welatiyê Lubnanê Krîs Letîf diyar kir "Gelek cûdahî dinavbera sala par û îsal de heye, lê divê mirov di cejnê de kêfa xwe bîne, rewşa aborî bandor ser her tiştî kiriye tiştên taybet bi sersalê ku me berê didînin, niha nîn in, lê dîsa baş e".

Ji 2019an ve krîza aborî li Lubnanê destpê kiriye û Lîreya Lubnanî 90 % ji buhayê xwe ji dest daye.

Li gorî Neteweyên Yekbûyî, ji her 5 welatiyên Lubnanê 4 kes di hejariyê de dijîn, herwiha Banka Navdewletî pêşbînî dike ku 20 sal bo Lubnanê pêwîst in daku vegere rewşa xwe ya berî 2019an.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger