Hewlêr (Rûdaw) - Li Xezeyê hejmara kuştiyan derket 5 hezar û 791an û hejmara birîndaran jî derket 16 hezar û 297an.
Di nava 24 demjimêran de, li Xezeyê di encama bombebaranan de 704 kesan canê xwe ji dest daye.
Wezareta Tenduristiyê ya Xezeyê, têkildarî hejmara kesên hatine kuştin û birîndar bûne daxûyanî da.
Di daxûyaniyê de hat ragihandin ku di nav kesên hatine kuştin de 2 hezar û 360 zarok û hezar û 292 jin hene.
Herwiha hat destnîşankirin ku pergala tenduristiyê ya li Xezeyê hilweşiyaye.
Li gorî daxûyaniya Wezareta Karên Navxweyî ya Xezeyê, Îsraîl devereke ku nêzîkî nexweşxaneya Wefayê û sûka wargeha Penaberan a Nuseyratê bombebaran kiriye.
Hat eşkerekirin ku li her du deveran gelek mirî û birîndar hene.
.webp&w=3840&q=75)
