Hewlêr (Rûdaw) – CENTCOMê ragihand ku wan gelek dronên Husiyan xistine xwarê.
Fermandariya Navendî ya Amerîkayê (CENTCOM) da zanîn, Husiyan ji Yemenê bi gelek dronan êrişî keştiya wan a li Deryaya Sor kiriye.
Li gorî CENTCOMê, hêzên wan bersiv daye vê êrişê û gelek dronên Husiyan xistine.
Li gorî daxuyaniyê, ti xisarên madî û canî yên hêzên Amerîkayê çênebûne.
Piştî ku 7ê Çiriya Pêşînê şerê Hemas û Îsraîlê dest pê kir, Husî gelek gefan li Amerîka û Îsraîlê dixwin.
Husiyan 19ê vê mehê li Deryaya Sor keştiyek tevî 25 kesên tê de revandibû.
Li gorî Husiyan, keştiya bi "Galaxy Leader" a şirketeke Îsraîlî ye.
Berdevkê Husiyan Mihemed Evdilselam li ser revandina keştiyê daxuyaniyek dabû û gotibû, “Ev hîn destpêk e.”
Mihemed Evdilselam herwiha ragihand, “Heta êrişên Îsraîlê yên li Xezeyê nesekinin em dê li Deryaya Sor çalakiyên xwe bidomînin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse