Keşeyê Kurd ê ji Efrînê Nîhad Hesen bû mêvanê bultena Rûdawê
Hewlêr (Rûdaw) - Keşeyê Kurd ê ji Efrînê Nîhad Hesen got, “Kesên ji ber şer çûbûn Sûriye û Rojavayê Kurdistanê niha vedigerin Libnanê.”
Îsraîl başûrê Libnanê û Beyrûtê bi tundî bomberan dike.
Li herêmê şer her ku diçe germ û gurtir dibe.
Di êrişên Îsrîalê de li Libnanê gelek koçberên ji Sûriye Rojavayê Kurdistanê hatine kuştin û gelek jî birîndar bûne.
Keşeyê Kurd ê ji Efrînê Nîhad Hesen ku li Dêra Kurdî ya li Beyrûta paytexta Libnanê keşetiyê dike beşdarî bultena Rûdawê bû û li ser rewşa penaberên Kurd ên li Libnanê bersiva pirsên Dilbixwîn Dara da.
Keşeyê Dêra Kurdî ya li Beyrûtê Nîhad Hesen li ser rewşa koçberan got:
“Li Dêrê 150-160 malbat hene, îro 3 malbatan telefon kir ku dê werin vir.
Kurdên ku ji ber şer (Îsraîl-Hizbulah) çûne Rojavayê Kurdistanê ji ber nebûna pêwîstiyan û bihabûnê vedigerin Libnanê.”
Keşeyê Kurd ê ji Efrînê Nîhad Hesen diyar kir ku niha kêm kes diçin Sûriye Rojavayê Kurdistanê anî ziman:
“Kesên çûbûn niha vedigerin ku vê hefteyê 3 malbat hatin cem me.”
“Partiyan alîkariya me nekir”
Keşe Nîhad Hesen da zanîn ku wekî Dêra Kurdî ew xwedî li wan derdikevin û ew çend rojan carê xwe digihînin wan.
Keşeyê Kurd ê ji Efrînê Nîhad Hesen destnîşan kir, ew kesên ku Dêr alîkariya wan dike ne Xirîstiyan in û got:
“Kesên ku em alîkariya wan dikin zêdetir xwişk û birayên me yên Kurd ên Misilman û Êzidî ne.
Heta niha ti partiyan alîkariya me nekiriye. Me daxwaza dermanan kir.”
Piştî şerê navxwe yê Sûriyeyê û dagirkirina herêmên Rojavayê Kurdistanê gelek penaberên Kurd berê xwe dabû Libnanê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse