Hewlêr (Rûdaw) – Çapemeniya Amerîkayê ragihand ku Îsraîlê êrişî Îranê kiriye.
Televîzyona Dewletê ya Îranê jî daxuyand ku sîstema parastinê ya asmanî çalak bûye û wan li Îsfehanê sê dron xistine.
Li hêla din, li Îranê hemû geştên asmanî hatin rawestandin.
Rayedarekî Îranî ji Reutersê re ragihand ku êrişên mûşekî çênebûne û got:
“Teqînên li Îsfehanê ji ber sîsmeta me ya parastinê ya asmanî bûn.”
Îsraîlê berê ragihandibû?
Amerîka û Îsraîl doh li ser “operasyona Refahê” civiyabûn û Îsraîlê gotibû ku ew dê di nava rojek an du rojan de êrişî Îranê bikin.
Rayedarekeî Amerîkayî yê ku ji CNNê re axivî diyar kir ku Serokê Amerîkayê Joe Biden şerekî berfireh naxwaze û biryara êrişê pesend nekiriye.
Li hêla din, artêşa Îsraîlê jî ragihand ku li bakurê Îsraîlê zengilên hişyariyê lê dixin.
Çi bûbû?
Îsraîlê 1ê Nîsanê êrişî Konsulxaneya Îranê ya Şamê kir.
Di vê êrişê de ji hêzên ewlehiyê yên Îranê 7 kes mirin ku 2 ji wan fermandar bûn.
Îranê jî 13ê Nîsanê bi sedan dron û mûşekan êrişî axa Îsraîlê kir.
Îranê got ku wan li gelek deveran xistiye, Îsraîlê jî ragihand ku piraniya wan dron û mûşekan ji aliyê sîstema parastinê ya asmanî ve hatine xistin.
Medyaya Îsraîlê diyar kiribû ku rayedarên Îsraîlî biryara bersiveke “zelal û bibandor” daye.
Îran jî dibejê heke ku Îsraîl êrişî wan bike ew dê bersiveke “bilez, biheztir û berfirehtir” bidin.
Îsraîlê êrişî Îranê kir
— RudawKurdi (@RudawKurdi) April 19, 2024
📌 Dema ku bi dronan êrişî Îsfehanê tê kirin👇👇 pic.twitter.com/wIXhXo3fJz
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse