Rojhilata Navîn
Îro li Mêrdînê di êrîşeke çekdarî de 4 kesên ji Duhokê hatin kuştin û kesek jî bi giranî birîndar e. Wêne: AA
Hewlêr (Rûdaw) - Berdevkê Wezareta Derve ya Iraqê Ehmed El-Sehaf derbarê êrîşa Mêrdînê de ku di encam de 5 kesên ji Duhokê canê xwe ji dest dan, ragihand wezareta derve dê bi giringî ve û bi aliyên têkildar ên Tirkiyê re bûyerê bişopîne daku sedem û hûrgiliyên bûyerê bên aşkerekirin.
Wezareta Derve ya Iraqê li ser bûyera îro ya êrîşa li Mêrdînê ku di encam de 5 welatiyên Kurd ên ji Duhokê jiyana xwe ji dest dan karvedan nîşan da.
Berdevkê Wezareta Derve ya Iraqê Ehmed El-Sehaf derbarê bûyerê de ragihand, “Di encama bûyera gulebaranê de li Tirkiyê 4 welatiyên Iraqê jiyana xwe ji dest dan û kesek jî birîndar bûye.”
Berdevkê Wezareta Derve ya Iraqê diyar kir: “Em tekez dikin ku em dê bûyerê bi eleqeyeke mezin bi aliyê Tirkiyê re û bi rêya rayedarên pêwendîdar bişopînin ji bo ku em sedem û hûrgiliyên vê bûyerê bizanin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse