Rojhilata Navîn
Filistîniyek piştî êrişa Îsraîlê li ser kavilan rûniştiye / Wêne: Mahmoud Issa/SOPA -Arşîv
Hewlêr (Rûdaw) - Hejmara Filistîniyên ku li Xezeyê di êrîşên Îsraîlê hatin kuştin gihişt 11 hezar û 500î.
Ofîsa Medyayê ya Hikûmet Xezeyê derbarê êrişên Îsraîlê yên li Xezeyê de agahî dan.
4 hezar û 710 zarok hatine kuştin
Hat gotin ku di êrişên artêşa Îsraîlê de, ji 7ê Çiriya Pêşînê ve li Xezeyê 11 hezar û 500 Filistînî hatine kuştin.
Li gorî daxuyaniyê jê 4 hezar û 710 ji wan zarok, 3 hezar û 160 ji wan jî jin in.
51 rojnameger hatine kuştin
Hat daxuyandin “Di êrişên Îsraîlê da 200 xebatkarên tenduristiyê, 22 xebatkarên parastina sivîlan û 51 rojnameger hatine kuştin.”
Di daxuyaniyê de hat destnîşankirin ku ev 40 roj in êriş berdewam dikin.
Li gorî heman daxuyaniyê, heta niha 29 hezar û 800 kes birîndar bûne ku ji sedî 70yê wan jin û zarok in.
Herwiha hat gotin bi tevahî 3 hezar û 640 kes winda ne ku hezar û 755 ji wan zarok in.
Hat ragihandin, “Ji ber êrişên Îsraîlê 25 nexweşxane, 52 navendên tenduristiyê û 55 ambulans nikarin xizmetê bidin.”
Hat gotin ku ji ber êrişan 74 mizgeft bi tevahî hilweşiyane, 3 dêr û 162 mizgeftan jî xisar dîtiye.
Dîsa di daxuyaniyê de amaje pê hat kirin ku “Di êrişên Îsraîlê de 255 dibistan hedef hatin girtin, ji wan 63 nikarin perwerdeyê bidin û 95 tesîsên hikûmetê jî hilweşiyane.”
Li aliyê din, heta niha di êrişên Hemas û grûpên din ên ku piştgiriyê didin Hemasê de, tevlî leşkeran herî kêm hezar û 400 Îsraîlî hatine kuştin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse