Hewlêr (Rûdaw) - Artêşa Îsraîlê li Xezeye beşa nexweşiyên giran a Nexweşxaneya Şifayê kir armanc.
Li gorî dîmenên ku Wezareta Tenduristiyê li Xezeyê parve kirin, artêşa Îsraîlê li beşa nexweşiyên giran a Nexweşxaneya Şifayê xist.
Nexweşxaneya Şifayê ji aliyê artêşa Îsraîlê ve hatiye dorpêçkirin û nexweşxane di rewşa alarmê de ye.
Li gorî dîmenan ji 30î zêdetir pitik ji kuvozên li beşa nûbûyiyan a Nexweşxaneya Şifayê hatin derxistin.
Bijîşkan diyar kir ku divê pitik di kuvozê de bimînin û wan got, "Heta îro sê pitik ji ber şert û mercan mirin.”
Li aliyê din, artêşa Îsraîlê da zanîn wan ji bo kontrolkirina Nexweşxaneya Şifayê dest bi operasyonê kiriye.
Berdevkê Artêşa Îsraîlê Avichay Adraee îdia kir ku ew “Sivîl û nexweşan nakin hedef.”
Şerê Hemas û Îsraîlê 7ê Çiriya Pêşinê, piştî êrişa Hemasê dest pê kiribû.
Di êrişên Îsraîlê yên li Xezeyê de heta niha 11 hezar û 320 kes hatine kuştin.
Herwiha, di êrişên Hemasê de tevî leşkeran herî kêm hezar û 400 Îsraîlî hatine kuştin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse