Li Xezeyê 14 kes hatin kuştin, yek ji wan pitik e

Hewlêr (Rûdaw) – Îsraîlê li bakurê Xezeyê bi balafirên şer êrişî 3 xaniyan kir, di vê êrişê de 14 kes mirin ku yek ji wan pitik e.

Li gorî WAFAya ku ajansa Filistînê ye, êriş li taxên Et-Tufah û Eş-Şucaiyeyê pêk hatiye û gelek birîndar jî hene.

WAFAyê ragihand ku birîndar veguhastine Nexweşxaneya El-Ehlî Baptîstê.

Li gorî çavkaniyên cihî yên Filistînê, di êrişên Îsraîlê yên ji 7ê Çiriya Paşîn a 2023yan ve li Xezeyê 37 hezar û 266 kes hatine kuştin ku piraniya wan jin û zarok in.

Li hêla din, hejmara birîndaran jî 85 hezar û 102 ye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger