Sistema perwerdeyê ya Qeterê / Wêne: Ji dîmenan
Hewlêr (Rûdaw) - Li Qeterê sîstema perwerdeyê di dema 30 salên dawiyê de bi berçav pêş ketiye.
Di sîstema perwerdeyê ya Qeterê de nirxên ciwakî û teknîkên pêşketî û serdemyane yên perwerdeyê hatine tevlîkirin.
Sîstema perwerdeyê giringiyê dide nirxên olî, çandî, teknolojî, dahênan, pêşketinên pîşeyî, hizirkirina rexnegiriyê û hînbûna zimanan.
Bexçeyên zarokan
Zarok li Qeterê di temenê 3-5 salî de diçin bexçeyên zarokan û li wir ji bo dibistanan têne amadekirin.
Her çi qasî ev qonax neçarî nîne lê piraniya malbatan têne handan ku zarokên xwe bişînin.
Li wir bi rêya lîsiktan zarokan fêr dikin û giringiyê bi karînan civakî û fêrbûna zimanên Îngilîzî û Erebî didin.
Qonaxên dibstanê
Zarok ji temenê 6 salî ve diçin dibstanê û ji pola 1ê heta 6an xwendin neçarî ye.
Xwendekar hefteyê 5 rojan diçin dibstanê û her roj ji demijmêr 7:00an heta 13:30î dimînin.
Di her polekê de jî 25-30 xwendekar hene.
Wane
Waneyên serekî ev in: Zimanê Erebî, Îngilîzî, bîrkarî, zanist, civakî, aborî, tekenlojî û ola Îslamê.
Waneyên ne serekî huner, muzîk û perwerdeya bedenê ye.
Rojane 5 heta 7 wane têne xwendin. Her waneyek 45 heta 50 xulekan dirêj dike û piştî her waneyekê 5 deqe bêhnvedan heye.
Mamoste
Roleke mamosteyan a girîng heye lê merc jî hene ji bo kesek bibe mamoste.
Divê mamosteyan bawername û pisporiyeke temam di zimanê Erebî de hebe.
Herwiha divê pisporî di nirxên çandî û olî de hebe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse