Mesrûr Barzanî û Erdogan civiyan

Hewlêr (Rûdaw) – Serokwezîrê Herêma Kurdistanê Mesrûr Barzanî û Serokomarê Tirkiyeyê Recep Tayyîp Erdogan civiyan.

Serokwezîrê Herêma Kurdistanê Mesrûr Barzanî û Serokkomarê Tirkiyeyê Recep Tayyîp Erdogan, di çarçoveya “Lûtkeya Cîhanî ya Hikûmetan” de li Dubaiyê ne.

Di çarçoveya lûtkeyê de Mesrûr Barzanî û Erdogan îro saet 15:00ê civiyan.

Di civînê de ji bilî Wezîrê Karên Derve yê Tirkiyeyê Hakan Fîdan, wezîrê parastinê, enerjî, çavkaniyên sirûştî û bazirganî yên Tirkiyeyê jî amade bûn.

Her du aliyan di civênê de rewşa giştî ya Îraq û herêmê û geşepêdana pêwendiyên dualî gotûbêj kirin.

Li gorî daxuyaniya Hikûmeta Herêma Kurdistanê her du aliyan tekezî li ser bihêzkirina hevkarî û hevahengiyê ji bo parastina ewlehî û aramiya herêmê kirin.

Lûtkeya Cîhanî ya Hikûmetan a li Dubaiyê doh bi tevlîbûna çend serok û serkirdeyên welatên Rojhilata Navîn û cîhanê dest pê kir û biryar e heta sibê berdewam bike.

Mesrûr Barzanî doh li lûtkeyê axivîbû û bal kişandibû ser mafê rewa yê Kurdan ê diyarkirina çarenivîsa xwe.

Serokwezîr Mesrûr #Barzanî li Dubaiyê bi Serokkomarê Tirkiyeyê Recep Tayyîp #Erdogan re hevdîtinek kir

📸Senger Ebdulrehman / Rûdaw pic.twitter.com/g8NftA6Sjk

— RudawKurdi (@RudawKurdi) February 13, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger