Hewlêr (Rûdaw) - Artêşa Niştimaniya Lîbyayê ya bi serokatiya Xelîfe Hefter ragihand, hêzên wan balafireke bê pîlot a Tirkiyê xistine xwarê. Li aliyekî din çekdarekî Sûrî yê ser bi grûpa Emşat ve li Lîbyayê bi êxsîrî kete destê hêzên General Hefter.
Navê wî çekdarî Enes Fetut e û di îtîrafên xwe de dibêje, ew 100 çekdar bûn ku ji Efrînê bi otubusan ji bo Dîlokê li Bakurê Kurdistanê hatine şandin û ji wir ve jî bi balafireke leşkerî ew gihiştin balafirxaneya Stenbolê û piştre bi balafireke Lîbyayê çûne wî welatî.
Êxsîrê girtî herwiha eşkere dike, ku her kesek biçe Lîbyayê dê her meh 2 hezar dolarên amerîkî bistîne û dê bibe hemwelatiyê Tirkiyê.
Hêzên Hafter firokeyeke bê pîlot a Tirkiyê xistine xwarê
Li aliyekê din, Artêşa Niştimaniya Lîbyayê ku General Xelîfe Hefter serokatiya wê dike, ragihand hêzên wan firokeyeke bê pîlot a Tirkiyê xistine xwarê.
Tabora 128an a bejahî ya ser bi Artêşa Niştîmaniya Lîbyayê da xuyakirin, ku ew firokeya bê pîlot a Tirkiyê ji aliyê yekîneyên wan ve hatiye xistin.
Wê hêzê diyar kiriye, ku hejmarek rêkêt li ser wê firokeya bê bîlot a Tirkiyê bûn û hewl dida ku li dijî wan êrîşan pêk bîne û agirbestê binpê bike, lewma yekîneyeke wan ew firoke xiste xwarê.
Li Lîbyayê 2 hikûmet hene
Li Lîbyayê 2 hikûmet hene, yek li Terablusê ye, ku Netewên Yekgirtî û piraniya civaka navdewletî wê hikûmetê wek hikûmeta yasayî û rewa ya Lîbyayê nas dikin û Îxwan Muslimîn, Qeter û Tirliye piştgiriya wê dikin, ya din jî li bajarê Benxazî ye ku General Xelîfe Hefter serokatiya wê dike û welatên wek Misir, Îmarat, Rûsya û Frensa piştgiriya wê dikin.
Ji %80 axa Lîbyayê di bin kontrola Hikûmeta li Benxazî ya bi serokatiya Xelîfe Hefter de ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse