Faîz Serac îro serdana Tirkiyê dike
Hewlêr (Rûdaw) - Serokê Encûmena Hikûmeta Îtîfaqa Niştimanî ya Lîbyayê serdana Tirkiyê dike.
Serokê Encûmena Hikûmeta Îtîfaqa Niştimanî ya Lîbyayê Faîz Serac îro Yekşemê 12ê Çile serdana Tirkiyê dike.
Li gor ajansa fermî ya Tirkiyê, tê çaverêkirin ku Serac di çarçoveya serdana xwe de ligel Serokomarê Tirkiyê Recep Tayyip Erdogan bicive.
Serdana Faîz Serac bo Tirkiyê di demekê de ye ku hêzên ser bi Xelîfe Hefter li rojhilatê Lîbyayê, banga Tirkiye û Rûsyayê bo agirbesta hevbeş qebûl kirin ku demjimêr 00:00ê 12ê Çile bi dema navxwe ya Lîbyayê destpê kir.