Serokkomarê Îranê bi Kurdî axivî: ‘Pêwendiyên me û Kurdistanê baş in’

Hewlêr (Rûdaw) - Serokkomarê Îranê Mesûd Pizîşkiyan bi Kurdî got, "Em silavan li gelê Kurdistanê dikin, pêwendiyên me baş in û em dê baştir bikin.”

Serokkomarê Îranê Mesûd Pizîşkiyan gihişt Bexdayê û ji aliyê Serokwezîrê Îraqê Mihemed Şiya Sûdanî ve hat pêşwazîkirin.

“Em silavan li gelê Kurdistanê dikin”

Mesûd Pizîşkiyan li Bexdayê ji Nûçegihanê Rûdawê Helkewt Ezîz re got:

“Em silavan li gelê Kurdistanê dikin. Em di xizmeta wan de ne. Em dê biaxivin, bernameya me heye em herin wê derê.

Pêwendiyên me û Kurdistanê baş in û bi îzna Xwedê em dê baştir bikin.”

Mesûd Pizîşkiyan ji Helkewt Ezîz re got ku ew dê li ser hemû mijarên siyasî, aborî û çandî biaxivin.

“Ez gelekî dilxweş im”

Nûçegihanê Rûdawê Helkewt Ezîz ji bo ku Pizîşkiyan bi Kurdî axivî dilxweş bû û got:

“Ez gelekî dilxweş im ku tu bi vî zimanî axivî.”

Serokkomarê Îranê Mesûd Pizîşkiyan bi #Kurdî diaxive

🎤 "Em silavan li gelê Kurdistanê dikin, pêwendiyên me baş in û em dê baştir bikin" pic.twitter.com/3NsXJyBrS5

— RudawKurdi (@RudawKurdi) September 11, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger